...նորից նույնը,նույն մեղեդին

http://nrumelyan.blogspot.com/2011/11/blog-post_24.html

Նույն մեղեդին է քամու հետ լացում,

Սրտիս զարկերին համահունչ բեկվում,

Լսու՞մ ես`ինչպես է հեռվում դողում,

Տիեզերական անդորրը խախտում:

Թախծոտ նոտայով գիշերն արթնացնում,

Ցող-արցունքներով երկիրն է զուգում,

Քամու ապտակով իղձերն իմ կոտրում,

Փշրված հույսիս առաջ ինձ գամում:

Անբացատրելի ծորում է վերից,

Թասն է ինձ պարզում իմ հին ցավերի,

Բախտի հեգնանքով ինձ հասած կյանքի

Ծուռ շավիղներն է փակում իմ հույսի:

Ու սիրտս  այրում ի'մ իսկ տագնապով,

Խեղճ հոգիս խեղդում ի'մ իսկ արցունքով,

Անեզրում ծփում դեպ ինձ դառնալով՝

Փշոտ ժամերիս ճահճում քամվելով...

...նույն մեղեդին է կրկին լաց լինում,

Ծեր ժամանակիս գետում փրփրում:

                                           Նելլի Ռումել  2011.11.25

Կոտրված հույսի 

Ամեն փշուրում

Լռության բյուրեղ

Կգտնես,անշու'շտ,

Զուր չմոտեցնես սրտիդ դու այն,

Որ չխամրի պերճ փայլը նրա,

Ու զուր չկախվես 

Խոսքերից անգոյ .

Հաճախ խոսում են 

Անձայն,զու'տ հոգով:

                                                       Ռումելյան Նելլի